გზები, გზები – უსასრულოდ სადღაც მიდიან,
გზები, გზები – არჩევანი თითქოს დიდია,
ამ გზაზე გუშინ სხვა წავიდა,
დღეს შენ იწყებ, შენ იწყებ თავიდან.

ყველა გზაზე გვრჩება სულის მცირე ნაწილი
მერე მივდევთ, მივდევთ წარსულს ხელებგაწვდილი,
ამ გზებით გუშინ სხვა წავიდა,
დღეს შენ იწყებ, შენ იწყებ თავიდან.

გზები, გზები – განშორების გულისტკივილი,
შეხვედრების, სიხარულის უხმო კივილი,
ამ გზაზე გუშინ სხვა წავიდა,
დღეს შენ იწყებ, შენ იწყებ თავიდან.