მახსოვს ოქროყანის აღმართი,
ფერი იასამანის,
შენი სამახსოვრო ბარათი
და მთაწმინდის სავანე.
გზები ყვავილებში ჩაფლული,
აღმართ-აღმართ სავალი,
მიდი გააქროლე მალე ფაეტონი,
მე ამ თბილისს ვიცნობ მგონი.
მიყვარს ყვავილები,
მიყვარს გაგიჟებით ფერი იასამანის.
მახსოვს ათასფერი ფანტელი,
ყვავილები რამდენი,
მწუხრის ზარის რეკვა
და ტანგოს ცეკვა.
მერე სურნელება შროშანის,
მაგრამ ის დრო ახლა შორს არის,
თბილისური საღამო და
გასართობად ბანქო.
ეჰ ჩემო კარგო,
რა ტკბილად გაისმოდა ძველი ტანგო.
მახსოვს ოქროყანის აღმართი,
ფერი იასამანის,
შენი სამახსოვრო ბარათი
და მთაწმინდის სავანე.
გზები ყვავილებში ჩაფლული,
აღმართ-აღმართ სავალი,
მიდი გააქროლე მალე ფაეტონი,
მე ამ თბილისს ვიცნობ მგონი.
მიყვარს ყვავილები,
მიყვარს გაგიჟებით ფერი იასამანის.
ეჰ ჩემო კარგო,
რა ტკბილად გაისმოდა ძველი ტანგო.
შენი სამახსოვრო ბარათი, ბარათი.